Mohobbat ki Taqat by Rumama Ajaz

Mohobbat ki TaqatMohobbat ki Taqat by Rumama Ajaz

Mohobbat ki Taqat ki dastaan: Bahar ka khubsurat manzar tha charo taraf haryali thi har koi khush tha har jagah jashan manaya ja raha tha aesa lag raha tha jesay koi musibat taal gaye ho bachon ki khushi borhon ka sukoon or jawano ka josh is bt ki taraf saf saf ishara kar raha tha.

 

lekin is poray manzar me aik masoom bacha apnay pyary se bachpan mai mathay pey shikan or ankh mai ansu liye betha tha. Aik shaqs us bachay pe gor karta or us ky pass jata or is se pareshani ki waja daryaft karta.

Bacha kehta Mera naam Abdullah hai mai shehar mai rehta hoon mai apni mama baba ke sath yahan garmiyo ki chutti manany aya tha lekin achanak tofan anay ki waja se mai apne walddain sey juda hogaya hoon wo kahi bhi nhi dikh rahe.

wo admi jis ka naam Ahsan hota hai wo us bachay ko apnay sath ghar le jata hai, apni pori koshish karta hai uskay maa baap ko dhond saky! lekin wo kahi nahi miltay ab chunkay wo aik ghareeb kissan hota hai to shehar janey ke paise us ky pass nhi hote.

Wo apny aik bete ke sath Abdullah ki bhi parwarish karta hai. Ahsan ki biwi uske iklote bete ki paidaish ke kuch hi saal bad inteqal kar gaye thi. Ahsan apne bete ke sath us choti si “kuthya” mai hi rehta or zindagi basar krta hai.  Abdullah kehnay ko to aik bacha hota hai lekin apne mu bolay baap Ahsan ki achahi dekh kar bas us ke jesa banna chahta hai

Ahsan phir Abbdullah or apney bete ko parhata likhata hai lekin Ahsan ke betay ko parhai mai zara bhi dilchaspi nahi hoti. Abdullah bas yahi chahta tha ke me parh likh ke bara admi ban ke baba or apny bhai ki sari mushkilen dor kar doun ga.

Wo apnay is soch ke sath yeh keh lijiyay plan kiyay way maqsad mai kamyab hota hai baray shehar sy achi degree ley key aik kamyab position pa job mil jati hai jis sey ussay achi khasi tankhuwa milti hai lekin Abdullah us nokri ko nhi lena chahta waja yeh thi ke wo nokri shehar mai thi or us ke liyan ussay shehar jana prta apnay baap se dor.

Uska baap usay samajhata hai aur usaay kisi bhi tarhan mana leta hai or wo shehar janey pey amada ho jata hai. Wo apna saman bandhta hai or shehar ke liyen rawana ho jata hai.

Waqt ke lamhay rait ki tarhan hath se phisalty jate hein or Abdullah shehar mai reh ke shehar walo jesa ban jata hai lekin 3 saal guzrnay ke baad bhi wo apne baap ko nhi bholta wo ussay apni tankhuwah ka kuch hissa bhej diya krta tha ku kay Abdullah ahsan faramosh shaks nahi tha. wo apnay rohani baap ky ahsan ko nhi bhola tha.

Barra sa shehar ho jawani ka sath ho khiltewe dill ho or Ishq na ho  sawal hi paida nhi hota.  Abdullah bhi isi kaifiyat ka shikar honay laga tha Abdullah apnay office mai betha tha achanak aik haseen o jameel khilkhilati confidence sy bharpoor larki andar dhakhil hoi boli “may I come in”  Abdullah kehta hai “Yes”.

Itnay ma hi aik or larki kamray mai dakhil hoti hai or pochti ha sir woo….. Abdullah bolta hai “bolin kiya kaam hai Interview?” Adullah ajeeb se andaz mai kehta hai. Peheli larki se Abdullah sawalat shuro krta hai”Jee apka naam?” larki kehti hai “Sara”. Abdullah interview ke baqi sawal bhi buhut khush mizaji su pochta hai or ussay bahar intezar karnay ko kehta hai.

Phir dosri larki se sawalat pochta hai naam bolo larki kehti ha Anaita. Abdullah tham sa jata hai kunkay jin maa baap se bachpan mai wo bichar gaya tha usi maa ka naam bhi Anaita tha. Wo Anaita ko tassali se dekhta hai mathey pe pasine ankhon mai dard gala surkh. Abdullah ko us pe reham ata hai or ussay sawal thoray naram lehjay mai pochta hai Anaita jawabat to dey deti ha par ghabrahat dor nhi hoti uski  abdullah anaita ko bhi bahar sabar karney ko kehta hai.

Phir kuch der baad wo bahar ata hai anaita or sara dono bethi hoti hein Sara anaita se kehti hai “yeh job meri hai you looser tumhain kuch nahi milne wala to please yahan se janey ki mehrbani karna” Anaita or ghabra jati hai Abdullah thoray faslay se unhe dekh raha hota hai Abdullah janta hai wo job waqai Sara ko milni hai par najany kun Anaita ki ghabrahat ussay bechain kr deti ha na wo ussay janta hai na kabhi us se mila hai.

Lekin dil kehta hai Nahi Abdullah is larki ki ankhn mai anso achay nahi lagtay kuch jugar laga par isay khush kar” Abdullah than leta hai or apny afsirana andaaz mai agay barhta hai kehta hai “Mubarak ho” Sara kehti hai “I know yeh job to thi hi Meri” Abdullah kehta hai “jee ap dono ko Mubarak ho aj se ya job partnershiping py ap dono sath krin gi.

Anaita khush hojati hai or uski khushi uske haseen hoton pe khil khila rahi hoti hai Abdullah jesay us hansi mai kho ho jata hai  Sara uskay agay chutkhi bajati hai or kehti hai “me apke boss se baat kroon gi aik job ke liyen do log kesey” Abdullah kehta hai “Theek hai phir aap sath chalen mil ke baat krte hain” Sara agay barh jati hai Abdullah Anaita ka hath pakarta hai or ussay apne sath office tak  le jata hai.

Jaab teeno boss ke office taak pohnchte hain Abdullah andar jata hai or kehta hai “Sir is job ke Lie me ne do log hire kiya hai do log 2 ideas Sir buhut faida hoga company ko Sir apki company tabahi macha degi market mai.”

boss kehta hai “Excellent Abdullah tum jesey kabil logo ki buhut zarorat hai office ko in dono ko guide bhi tum hi karo ge“. Abdullah dono ko andar bulata hai Sara bolti hai “Aise kese aap yeh kaar sakte ho” boss kehta hai “Apko job chahiyye to yeh hi offer hai bas sara pao patakhti vi bahar nikal jati hai.

Chandni Raat Or Poshida Mohabbat | Love Story in Urdu

Anaita apni bhegi Palke uthati hai or abdullah ki taraf dekhti hai, Abdullah ke face pe alag hi smile ajati hai wo ussay “Thank you” bolti ha. Aabdullah dono ko kal office anay ko kehta hai raat ho jati hai. Aabdullah ghar ki taraf barhta hai ghaar ja ke sochnay lagta hai  jo qualities mujhe attract krne ke liye chahiyye thi wo sub sara mai thi “confident thi stylish thi or bold thi lekin Anaita ko dekh ke ajeeb sa kun lag raha hai iski muskurahat dhema lehja sureli awaz bheegi palkhain lambay baal sub itna attractive hai.balon ko sehlatewe so jata hai.

Agli subah Sara or Anaita ka office me Pehla din hota hai, Abdullah apnay kuch kaam me Masroof tha un dono ko kaam samjhanay ke bahar ata hai to sara ki taraf dekha to achi lagi, Jese hi Anaita ki taraf dekhta hai to Halki si Hawa chalne lagi shalwar kameez mai apnay dopatay ko marortay we ghabraye we wo larki khari thi jis ke chehray pe Masomiyat or ankhon mai talash thi.

Abdullah un dono ke pass ata hai kehta hai “Second floor room no 5” Sara chaal parti hai wo thora jhukta hai or Anaita se kehta hai “aaj hath pakar ke nahi  le jao gi” Anaita foran upper dekhti hai ghabra ke wo kehta hai mazak tha chalo upper nahi chalo gi to utha ke le jao  ga. Anaita ghabra jati hai or bhagney lagti hai Abdullah uske janay ke baad Muskurata hai phir apne sir pe aik thappar maar ke kehta hai pagal hai kiya yeh kiya bol diya phir bhag ke upper jata hai dono ko kaam smjhata hai.

Is tarha kuch waqt guzar jata hai sara buhut achay ideas de rahi hoti hai jabke Anaita kuch khas Ideas nahi deti aik din Sara nhi ati to Abdullah, Anaita ke pass jata hai ussay topic deta hai or idea’s pochta hai Buhut achay andaz mai wo apna idea batati hai or buhut behtreen idea batati hai. Abdullah kehta hai “Jab itnay achay idea pata hai to batati kun nhi ho? kitni talented ho pata bhi hai?.

Anaita kuch nahi kehti waha se chali jati hai Abdullah sochta hai aaj raat iskay ghaar ja ke maloom karoonga iska masla kiya hai? Wo raat mai uskay ghaar jata hai wahan se kuch awaz arahi hoti hai wo dekhta hai Sara Anaita ke ghaar me hoti hai sara kehti hai “Mama is se bolin office mai us Abdullah se dor raha kare wo is me kuch zyada hi interest le raha hai.

Uski Maa kehti Hai “Haan to apni maa pe hi gaye hai dosron ki chezon pe nazar rakhnay ki adat hai meri beti sara thori hai yeh ” Sara Anaita pe chekhti hai meri idea list subah taak table pe mile mujhe. Abdullah aik dum tham sa jata hai usay itna gussa ata hai ke bus na chale sara or uski maa ko mar de jaan se. 

Abdullah khirki se kod ke Anaita ke kamre mai jata hai uske pass bethta hai wo ghbra jati hai. “Aap yahan kesay sir” Anaita kheti hai. Wo kehta hai “shhhhh Chup” ussay galay lagata hai usko kandha deta hai.  Anaita us se galay laag ke buhut roti hai or Abdullah ko sari batein batati hai ke yeh meri suteli Maa Behan hai or baba America mai hotai hai, Meri mama baba ki Second wife thi ab unki death hogaye hai.

Abdullah anaita ko chup karata hai uska hath pakrta hai or kehta hai “Jis din se dekha hai na tumhay bus aik arzoo hai dill ki tumhain khush rakhon or in anso ko tumhare dar pe bhi na anay dou or tum fikhar maat karo mujh pe yaqeen rakho sub theek hojayega.

Abdullah Sara or Anaita ki batein record karta hai aglay din aajb Sara office ati hai Anaita ky likhewe idea’s sara batati. Abdullah poray office mai prove kaar deta hai sara buhut gussa hoti hai or Anaita ghabra jati hai wo dono ghaar jatay hai. Roz ke mamol ke mutabiq Sara or uski Maa Anaita pe Gussa hoti hain uspay hath uthati hain itnay mai darwazay ki ghanti bajti hai darwaza kholtey hain to Anaita or Sara ke Father hoty hain.

Sara ki Maa aise react kartey hain jesay kuch nahi hua Anaita rote we apnay baap ke pass ati hai or un ke galay laag ke rony lagti hai. Anaita ka baap pochta hai “beta kun ro rahi ho?” Anaita kuch nahi kehti Itne mai sara aur uski maa kehti hain “apko itnay dino baad dekha hai tabhi aesay react kar rahi hai.”

Abdullah pechay say ata hai or kehta hai jee nahi uncle aesa kuch nhi hai yeh recording dekhain us recording mai sara or uski ammi anaita ke sath maar-pith karte hain uske father yeh recording dekh ke kehtay hain kiya hai yeh? or Anaita beta yeh larka kon hai?.  Abdullah kehta hai “uncle mai Anaita ke office mai kam karta hoon sara bhi humaray sath hi kaam karti hai mai anaita ko buhut pasand karta hoon or us se shadi karna chahta hoon ap btayen kiya ap razi hain?”

uskay Father Abdullah ki ankhon mai aik yaqeen dekhtey hain ke wo Anaita ko khush rakhy ga wo kehty hain “Theek hai yeh shadi pakki hai lekin Anaita tum kiya chahti ho?” Anaita kehti hai “jo ap chahhen baba.” Abdullah kehta hai baba ki marzi? Mujh se pyar nahi kartin to rehnay do yeh shadi. Anaita jaldi se kehti hai “nahi nahi” sub hansnay laag jatey hain.

Abdullah apnay mu bolay baap  ko gao se le ke ata hai or ussay sub btata hai ahsan buhut khush hota hai or ussay anaita buhui bht passnd ati hai Wo un dono ko dua deta hai. Abdullah kehta hai “baba aap humare sath hi shehar mai ruk jayen wahan apko buhut pareshani ka samna karna parta hai”. Ahsan kehta hai “Theek hai jis mai mere bete ki khushi wahi mai kronga“. Dono ki shadi hojati hai abdullah Anaita or Ahsan khushi khushi zindagi ka naya pehlo shuro krtay hn or guzrewe kal ko bhula kar Allah ka shukar Ada kartay.

Lesson

Suchi muhabbat pehnaway ya dikhavey se nahi hoti dil saaf hoto Rishta khud hi khubsurat ban jata hai

She is the Author & Editor of Eshu Tech. She writes Youth related topics, Life Style, and especially Stories. She mainly focuses on the quality of the articles being written and published on the site. She Loves to Write Poetry. She is currently pursuing Computer Science Study.

  • Qurat Ul Ain Siddiqui

    Mashallah nice story

    • Ahmed Khan

      Hey

  • Ahmed Khan

    Kafi Suspense wali story thi pata nahi kyun yaaad araha hai jese kisi serial me dekhi hai story

  • Mujhy to Samosay K Sath Chathni Jaldi Nahi Deta Suchi Muhabbat Kun Dega 😀